Intelligent Search: Managing the Intelligence Process in the Search for Missing Persons

Þessi bók inniheldur ítarlegar leiðbeiningar um rannsóknarvinnu vegna leitar að týndum einstaklingum. Slík rannsókn er grunnurinn að sérhverri leit og björgun og upplýsingum þarf að safna og þær greindar frá upphafi og út allan leitartímann. Ef rannsóknin fer rangt af stað getur það haft áhrif á allt sem á eftir kemur.

Farið er yfir hvaða upplýsingum þarf að safna, hvernig standa skuli að söfnun þeirra og hvernig rannsóknarvinnan fellur að skipulagi leitar. Árangursrík vinna krefst náins samstarfs lögreglu og viðbragðsaðila í leit og björgun.

Bókin fjallar meðal annars um upplýsingaöflun, viðtöl augliti til auglitis, annars konar viðtöl og aðrar heimildir rannsóknarupplýsinga. Þá fylgja henni nokkrir gagnlegir viðaukar.

Bókin er viðamikið grundvallarrit um rannsóknarvinnu við leit og björgun og hvernig afla skuli þeirra upplýsinga sem nauðsynlegar eru til að stýra leit á markvissan hátt.